「熱熾傳城」青年大使計劃

「熱熾傳城」青年大使計劃培訓營剛剛已經圓滿結束,不過呢個結束其實只係一個好嘅開始,各區青年大使正式開始籌備地區義工服務同考察互訪。係呢個時候,我哋就重溫吓培訓營嘅畫面啦! 燃燒吧,「熱熾傳城」!

我哋「熱熾傳城」接近200位嚟自18區嘅青年大使終於喺培訓營第一次聚頭喇! 雖然大部份嘅青年大使本來都互不相識,但係佢哋經過第一日嘅熱身活動,齊心協力去完成Checkpoint任務,到第二日嘅講解、訓練同討論,佢哋已經成為能彼此扶持嘅隊友。一眾青年大使仲有機會同佢哋嘅導師、助導一齊去挑戰「陪著你走」,圍繞住馬鞍山市中心去實踐同體驗義工服務。

喺哩兩日一夜嘅培訓營入面,青年大使除咗非常投入活動,佢哋仲嘗試走進社區,去關心有需要嘅人士。未來,我哋相信呢班青年大使一定可以繼續「熱熾傳城」。



 

Copyright © 2008-2016 Hong Kong Association of Youth Development. All rights reserved.